AKSK Nxit Konsultimin Publik për Dy Projektvendime Themelore në Zbatim të Ligjit të Ri për Sigurinë Kibernetike

Projektvendimi “Për miratimin e Skemës Kombëtare të Certifikimit të Sigurisë Kibernetike”, i cili përcakton procedurat dhe kërkesat për certifikimin e produkteve të teknologjisë së informacionit dhe komunikimit (TIK), në përputhje me skemën e përbashkët evropiane për certifikimin e sigurisë kibernetike (EUCC);

Projektvendimi “Për Përmbajtjen dhe Mënyrën e Dokumentimit të Masave Organizative, Teknike dhe Operacionale të Sigurisë Kibernetike dhe Kategorizimin e Afateve”, që synon harmonizimin dhe standardizimin e mënyrës së dokumentimit të masave të sigurisë si dhe përcaktimin e afateve të zbatimit, bazuar në kategorinë e subjektit dhe nivelin e riskut.

Këto projektvendime përfaqësojnë një hap të rëndësishëm drejt përafrimit të legjislacionit shqiptar me kuadrin ligjor të Bashkimit Evropian në fushën e sigurisë kibernetike, duke kontribuar në ndërtimin e një sistemi të unifikuar dhe të zbatueshëm që reflekton standardet ndërkombëtare.

Drejtori i AKSK, z. Igli Tafa, vlerësoi rëndësinë e përfshirjes aktive të palëve të interesuara në këtë proces, si një komponent kyç për ndërtimin e një kuadri funksional dhe të qëndrueshëm të sigurisë kibernetike.

Në konsultimet e zhvilluara morën pjesë përfaqësues të kompanive që ofrojnë ose prodhojnë produkte dhe shërbime TIK, ekspertë të pavarur, institucione publike, si dhe përfaqësues të infrastrukturave kritike dhe të rëndësishme të informacionit.

Diskutimet u fokusuan në përmbajtjen teknike të projektvendimeve, zbatueshmërinë e tyre dhe ndikimin praktik që pritet të kenë në rritjen e nivelit të sigurisë kibernetike në vend. Komentet dhe sugjerimet e mbledhura do të shërbejnë për finalizimin e akteve në mënyrë gjithëpërfshirëse dhe transparente.

Të dy projektvendimet janë të hapura për konsultim publik dhe të publikuara në faqen zyrtare të AKSK: